21 avqust 2024-cü il
tarixində Reklam və Marketinq Sahəsinin
İnkişafına Dəstək İctimai Birliyi (RMİD) ilə Litvanın Vilnus şəhərindən gələn iş insanları arasında görüş baş tutub.
Görüşdə RMİD-in İdarə Heyətinin sədri, İdarə Heyəti üzvləri, RMİD-in üzv şirkət rəhbərləri, Azərbaycan Özəl Təhsil Müəssisələri
Assosiasiyasının İdarə Heyəti sədri, Türkiyə Azərbaycan İş Adamları İctimai Birliyinin İdarə Heyəti sədri,
nümayəndələri və üzv şirkət rəhbərləri,
Azərbaycan Tikinti İstehsalı
Assosiasiyasının nümayəndələri iştirak edib.
Azərbaycan
və Litva iş insanları arasında keçirilən görüşün məqsədi; iki ölkə
arasında biznes əlaqələrinin qurulması, uğurlu təcrübələrin qarşılıqlı bölüşülməsi
və ortaq keçirilməsi planlanan layihələr üzrə əməkdaşlıqların təşkil
olunmasıdır.
Açıq dialoq formatında
keçirilən görüş çərçivəsində, iki ölkənin ticarət imkanlarının genişləndirilməsi
və potensial əməkdaşlıqlar haqqında müzakirələr aparılıb.
İşgüzar görüşün yekununda Reklam və Marketinq Sahəsinin İnkişafına Dəstək
İctimai Birliyi və Litva Beynəlxalq Biznes Qadınlar Şəbəkəsi arasında əməkdaşlıq
memorandumu imzalanıb.